Тарих битләреннәнТарихи мәгълүматларга күз салсак, әлеге училищега нигез салынуда ике дата күрсәтелә. 1866 елның 1 сентябрендә Казан Кремлендә Казан юнкерлар пехота училищесы ачыла. Шул вакыт аралыгында уку йорты тарихында 20дән артык исем алыштыру һәм үзгәртеп кору була, һәм алар бүгенге көндә эшләп килүче Казан югары танк команда училищесы формалашуына китерә.1917 елның ноябрендә әлеге хәрби уку йорты таркатыла, шуңа күрә аңа нигез салыну вакыты дип, 1919 елның 22 феврале санала. Ул чакта элекке училище базасында Казан мөселман пехота команда курслары ачыла. Шунысын да әйтеп үтәсе килә: мөселманнар өчен уку йорты булдыру өчен күренекле якташыбыз – совет сәясәтчесе һәм дәүләт эшлеклесе, ул вакытта Үзәк мөселманнар хәрби коллегиясе рәисе Мирсәет Солтангалиев күп көч сала. Һәм аның тырышлыгы белән 1919 елның 22 февралендә көнчыгыш халыкларының 9нчы Казан кавалерия команда курслары эшли башлый.Йолаларга тугрылыкТагын бер кызыклы фактка игътибар юнәлтәсе килә: әлеге курсларны тәүгеләрдән булып якташыбыз – Кырмыскалы районының Шәйморатов (Биштәкә) авылы егете Миңнегали Шәйморатов тәмамлый. Ә аның икетуган абыйсы Мәхмүт Шаһиәхмәтов ул вакытта кавалерия команда курслары комиссары була.Кызыл Байраклы Казан югары танк команда училищесына нигез салынганнан башлап, бүгенге көнгәчә байтак Кырмыскалы егетләре анда белем алды. Бу хәрби уку йортының курсантлары арасында әлеге көндә дә якташтарыбызның булуы – безнең өчен зур горурлык. Шулай, Кырмыскалы авылының 2нче урта мәктәбен тәмамлаган Руслан Маннанов – бу уку йортының I курс курсанты.Бюст ачылдыТантанага Геройларның, шул исәптән М. Шәйморатовның туганнары, якыннары, туган ягының җәмәгатьчелек вәкилләре дә чакырылды. Безнең делегация исәбендә легендар якташыбызның тормышын һәм батырлыкларын өйрәнү белән шөгыльләнгән язучы Борис Малородов барды.Кырмыскалы районына бүләккә Русия Герое Миңнегали Шәйморатовның бюсты булган статуэтка бирелсә, безнең район исеменнән училищега 112нче Башкорт кавалерия дизизиясе турында “Какшамас һәм легендар...” дигән китап, бу дивизиянең 80 еллыгына карата истәлекле билге, Мактау грамоталары һәм Рәхмәт хатлары, шулай ук хәрби-патриотик юнәлештәге китаплар тапшырылды.Кызыл Байраклы Казан югары танк команда училищесында Туган ил өчен гомерләрен биргән яугирләр, Геройлар турында онытмыйлар. Кырмыскалылар өчен дә бу – зур горурлык.Резида ӘХТӘМОВА.Кырмыскалы районы.