Фаҗига 8 февральдә була. Төнлә кызның хәле начарлана: температура 40ка кадәр күтәрелә, ул коса, эче, тамагы авырта. Әнисе Светлана ашыгыч ярдәм чакырта.Светлана сүзләренчә, ашыгыч ярдәм 35 минуттан соң гына килгән. Дежур табиб баланы алып китмәскә, ә аны фатирда карарга карар итә. Ул хезмәттәшләре белән телефон аша киңәшләшкән, шуннан соң укол ясаган һәм капельница куйган. Светлана сүзләренчә, проблемалар бу этапта ук башланган: табиб озак вакыт венаны таба алмаган һәм моны эшли алмаган, шуннан соң икенче бригаданы чакырган.Бу вакытта бала аңын югалта һәм таплар белән каплана башлый. 20-30 минуттан икенче бригада килә, бергәләп венаны эзли башлыйлар, әмма булдыра алмыйлар. Табиблар реанимобиль чакырырга була.Күпбалалы ана сүзләренчә, реанимобиль тагын 20 минуттан соң килгән. Кыскасы, бала шунда әнисенең кулында үлгән. Светлана бу эшне зурга җибәрергә уйлый һәм сабыеның үлемендә табибларны һәм бүгенге медицинаны гаепли. Былтыр парадта кызчык Радий Хәбиров белән фотога төшәргә теләгәч, республика Башлыгы каршы килмәгән һәм аны киләсе елга да парадка чакырган. Ни аяныч, быел ул килә алмаячак. фото: "ufa1.ru"