"Сит ергә күскәс, миңә туған башҡорт телемдә аралашыу етмәй башланы. Мин - өс бала әсәһе, шуға ла балаларымдың телде онотмауы, халҡының тарихын, мәҙәниәтен белеүе үтә лә мөһим. Шулай итеп башҡорт телен өйрәнеү түңәрәге асыу идеяһы тыуҙы", – ти Роза Мәжит ҡыҙы Һатбалова. Ул 2017 йылда Нижневартовск ҡалаһына йәшәргә күсә. Бында ете меңләп башҡорт халҡы вәкиле йәшәй, был ҡала халҡының яҡынса өс процентын тәшкил итә. Улар Башҡортостанды тыуған ере итеп һанай һәм нефть сәнәғәте өлкәһендә эшләп туҡтағас, шунда йәшәргә ҡайта. – Иң башта социаль селтәрҙәр аша Нижневартовскиҙа йәшәгән башҡорттар берләшмәһен – "Югра башҡорттары"н таптым, уның әүҙемсеһенә әйләндем, ә бер аҙҙан мине рәйес итеп һайланылар. Балалар өсөн башҡорт теле түңәрәге ойошторорға тәҡдим иттем, уны хупланылар һәм 2021 йылдың сентябренән китапханала йәмәғәт башланғысы менән тәүге дәрестәрҙе үткәрҙек. Түңәрәк популяр булып китте, дәрестәрҙе киңәйтергә теләп, "Хазина" башҡорт теле курстары" тигән проект менән Башҡортостан Башлығы