Уфаның 93нче лицееннан 8нче сыйныф укучысы Әмин Латыйпов Леонард Эйлер исемендәге Бөтенрусия олимпиадасының йомгаклау этабы призеры булды. Аның остазы — Русиянең атказанган укытучысы Александр Столяров.Л. Эйлер исемендәге олимпиада — 6-8нче сыйныф укучылары өчен математиканы популярлаштыруга һәм математик белем бирүне үстерүгә юнәлдерелгән математик ярыш.Быел ярышлар 15нче тапкыр уздырылды. Үткәрү форматы Бөтенрусия укучылар олимпиадасы финалындагы кебек үк: ике көн, һәркайсында катнашучыларга дүрт математик мәсьәләне чишү тәкъдим ителә. Финал 27-30 мартта дүрт мәйданчыкта — Барнаул, Киров, Мәскәү һәм Санкт-Петербургта узды.Исегезгә төшерәбез, Леонард Эйлер исемендәге олимпиаданың төбәк этабы математика буенча Бөтенрусия укучылар олимпиадасының төбәк этабы кысаларында узды. Олимпиадада республикадан 65 укучы катнашты. Фото: Центр развития образования Аврора