"Башкортстанда-Белоруссиядә озын гомерлелек. Туризм" проекты гамәлгә ашырыла

Әлеге туризм, өлкән буын гражданнары өчен туристлык хезмәтләренең уңайлылыгын арттыруга юнәлтелгән. Өч ел эчендә проектта 14 меңнән артык өлкән буын гражданы катнашкан. 2023 елда республикада 20 мең кеше катнашыр дип планлаштырыла.Бүгенге көндә туроператорлар Башкортстан буенча 53 тур тәкъдим итә. Турлар программасы республиканың туристлык объектлары буенча бер көнлек сәяхәтләрне һәм вакыйгалы чараларга баруны үз эченә ала. Алар әлеге категориядәге кешеләрнең өстенлекләрен һәм мөмкинлекләрен исәпкә алып эшләнгән.Быел Башкортстан Республикасы Хөкүмәте проект географиясен киңәйтергә һәм республика халкына аның чикләреннән читтә дә сәяхәт итәргә мөмкинлек бирергә карар кабул итте.- Хәзер инде "Башкортстанда-Белоруссиядә озын гомерлелек. Туризм", проекты өлкән буын вәкилләренең республика бюджетыннан туроператорларның бер кешегә 15 мең сум күләмендә чыгымнарын субсидияләү шартларында Башкортстаннан Беларуська сәфәрләрен оештыруны күздә тота. Проектның операторы итеп Башкортстан Республикасы туризмны үстерү үзәге билгеләнә. Агымдагы елның мартыннан Уфа белән Минск арасында туры авиаэлемтә ачылды, бу, һичшиксез, туристлык продуктларына ихтыяҗны арттырырга мөмкинлек бирәчәк, - дип шәрехләде Башкортстан Республикасы эшкуарлык һәм туризм министры Рөстәм Афзалов.- Мондый проектны Абхазия белән эшләргә кирәк дип саныйм. "Башкортстанда озын гомерлелек. Туризм" проектын гамәлгә ашыру, туристлык тармагы һәм кунакчыллык өлкәсе үсешенә, шулай ук партнерлык мөнәсәбәтләре үсешенә уңай йогынты ясаячак, дип билгеләп үтте Башкортстан Республикасы Премьер-министры Андрей Назаров.Үзбәкстан һәм Иранга турлар экспертлар тарафыннан экскурсия-танышу ялын яратучылар өчен юнәлешләр буларак бәяләнә, аларның максаты – Көнчыгышның уникаль мәдәни, гастрономик традицияләре, архитектурасы белән танышу. Бүгенге көндә Башкортстан Республикасы Эшкуарлык һәм туризм министрлыгы тарафыннан шулай ук бу юнәлешләр буенча туристлык агымнарын арттыру буенча эш алып барыла.Фото: долголетие.соцтуризмрб.рфФото: Башинформ