Федераль бюджеттан җәлеп ителгән субсидияләрнең гомум күләме 6,5 млрд сум тәшкил итте. Бу хакта бүген Хөкүмәттә узган оператив киңәшмәдә Премьер-министр Андрей Назаров сөйләде.Быел республикада 122 иҗтимагый территория төзекләндереләчәк. Алар арасында Октябрьский шәһәрендәге Җиңү паркы да бар, анда юллар, мәйданчыклар һәм яктырту җиһазлары яңартылачак. Нефтекамада «Мирас» картиналар галереясе каршындагы территорияне төзекләндерәчәкләр. Салаватта С. Юлаев бульвары буенча аллеяне төзекләндерү эшләре башланачак. Аллеядә күләгәле түбәләр, эскәмияләр һәм ял итү урыннары барлыкка киләчәк.Стәрлетамакта - Стәрле елгасы яр буйларын, ә Ишембайда Матросов исемендәге Мәдәният һәм ял паркын төзекләндерү дәвам итәчәк. Паркта ял итү, тәртипле парковка урыннары, яңартылган тышлыклар, шулай ук декоратив яктырту белән керү мәйданы барлыкка киләчәк. Төзекләндереләчәк барлык объектлар да масштаблы, төрле, ә иң мөһиме – күпфункцияле.2019 елдан «Уңайлы шәһәр мохитен формалаштыру» федераль проекты кысаларында Башкортстан Республикасында 560 иҗтимагый территория төзекләндерелде. Федераль бюджеттан җәлеп ителгән субсидияләрнең гомум күләме 6,5 млрд сум тәшкил итте.- Быел касса планлаштыруга һәм финанслау күләмен ай саен үзләштерүгә таләпләр югары булу сәбәпле, хәлне аерым контрольдә тотарга кирәк. Мондый алым безгә планлаштырылган барлык эш күләмнәрен вакытында һәм сыйфатлы башкарырга мөмкинлек бирәчәк, - дип нәтиҗә ясады Андрей Назаров.