Ел башыннан республика агросәнәгать комплексы экспортка 64,4 мең тоннадан артык ашлык һәм аны эшкәртү продуктлары җибәргән, бу узган елның шул ук чорындагы экспорт күләменнән ике тапкыр диярлек артыграк, дип хәбәр итә "Россельхознадзор"ның республика буенча идарәсе матбугат хезмәте."Россельхознадзор"ның территориаль идарәсе контроле астында Әзербайҗанга, Әфганстанга, Бельгиягә, Беларусь Республикасына, Германиягә, Казахстанга, Кыргызстанга, Кытайга, Латвиягә, Нидерландка, Төркмәнстанга 17,74 мең тоннадан артык бодай, 7,1 мең тонна арпа, 10,3 мең тонна җитен, 0,16 мең тонна көнбагыш, 0,10 мең тонна горчица һәм башка авыл хуҗалыгы культуралары озатылган.Экспорт йөкләренең барлык партияләренең пробалары тулы күләмдә сынау лабораториясендә тикшеренүләр узган.Фото: bash.news