Элвин Грей (Радик Юлъякшин) машинада клип төшергәндә зыян күргән: аның кулы сынган. Нәтиҗәдә, ул планлаштырылган берничә концертын күчерергә мәҗбүр булган. Бу хакта артист үзе социаль челтәрләрдә рәсми битендә хәбәр итте."Аңлагыз һәм кичерегез! Дуслар, сезгә клип төшергәндә форс-мажор булганын әйтергә мәҗбүрмен. Концертлар графигын үзгәртергә туры киләчәк. Мин бернәрсәне дә гамәлдән чыгармаячакмын, әмма берничә мәйданчыкны күчерергә туры килә. Уңайсызлыклар өчен гафу үтенәм, аңлауга өметләнәм", - дип язган ул.Ул фотолар да куйган, алар буенча аның машинасында уң кулы нык кысылганын аңларга була. Фото: социаль челтәрләрдән.