«Башинформ»га ашыгыч хезмәтләрдәге үз чыганагыннан билгеле булганча, беренчел мәгълүматлар буенча, 27 яшьлек ир 12 яшьлек малайга мунчада балта белән һөҗүм итә, аңа куркыныч җәрәхәтләр ясый, нигездә, аяк-кулларын имгәтә."Авыр хәлдә булган баланы җитди яралар белән хастаханәгә алып киттеләр. Аның янына Уфадан РКБдан белгечләр: травматолог, реаниматолог һәм кан тамырлары хирургы чыкты», - дип хәбәр итә мәгълүмат агентлыгы әңгәмәдәше.Алдан билгеле булганча, малай тәрбиягә алынган, аны 2011 елда алты айлык чагында уллыкка алганнар. Гаилә махсус исәптә тормый, уңай характерлана. Баланы 49 яшьлек әнисе һәм 49 яшьлек үги әтисе тәрбияли, соңгысы мәктәптә сакчы булып эшли. Алар белән бергә йортта хатынның 22 яшьлек кызы һәм кызның 27 яшьлек ире яши. Нәкъ ул балта белән балага һөҗүм иткән. Яшь пар ике ел никахта тора, икесе дә икенче группа инвалидлары.Үтерүгә омтылуда шикләнелгән кеше турында аның психиатрда исәптә торуы, беркайда да эшләмәве, хөкем ителмәве билгеле. Ир еш кына баланы мыскыл иткән, аннан көлгән булган.Баланың хәле нык авыр, ул реанимациядә.Фото: башинформ