Апрельме, апрель ул –Яз көч туплаган вакыт.Табигатьнең яшәрүенКүкләр хуплаганвакыт. Апрельме, апрель ул –Аю уянган вакыт.Җылы яктан кошларкайтып,Сайрап, куанган вакыт. Апрельме, апрель ул –Умырзаялы мизгел!Мәхәббәт көткәнкүңелләрАпрельдә була сизгер... Апрельме, апрель ул –Ләйсән яңгырлы көннәр!Апрельдә чагындөньяныңЯратмас инде кемнәр?.. Ләйсән Якупова. Фенолог язмалары 1 апрельдә һава торышы нинди булса, октябрьнең беренче көне дә шундый булыр. Йолдызлар күренмәсә, җылы көннәр башлана дигән сүз. 2 апрельдә елгадагы бозлар тиз агым белән китсә, икмәк уңар. Әгәр көн суык булып, кошлар чыркылдашса, җылы җәйгә. 3 апрельдә сулыкларда боз китмәсә, балыкчылар язгы “ау”ны көтмәсен. 4 апрельдә кояш кызарып баеса, яшелчә уңар. Ала каргалар коенса, җылыта. 5 апрельдә аяз төн – иртәнге суыклар билгесе. 6 апрельдә төн җылы булса, яз матур килер. 7 апрельдә көн җилле, бәс яисә томан булса, уңышлы ел килә. 8 апрельдә көн нинди булса, 8 октябрьдә дә шуны көт. 9 апрель көнне көндез әтәч кычкырмаса, 2-3 көннән явым-төшем булыр. 10 апрельдә кояш кызарып чыгып, тиз арада болыт артына качса, яңгыр явар. 11 апрельдә кояш болытка баеса, кара каргалар төркемләп очса – яңгырга. Саесканнар агачның аскы ботакларына оя корса, җәй яшенле булыр. 12 апрельдә тузганак чәчәк атса, җәй кыска булыр. 13 апрельдә иртәдән яңгыр сибәләп торса, җәй дә яңгырлы килер. 14 апрельдә боз кинәт китсә, ел җиңел, уңышлы булыр. 15 апрельдә елгалар ярларыннан ташып акса, печән күп булыр. 16 апрельдә зирек агачының “алка”лары күп булса – солы, күркәләре күп икән – арпа уңар. 17 апрельдә көн кояшлы булса, бодай бөртеге күп булыр. 18 апрельдә көндез – җылы, төнлә салкынча икән, тотрыклы һава торышы килә дигән сүз. 19 апрельдә көн җилсез, тыныч икән, язгы сабан культуралары уңар. 20 апрельдә яңгыр яуса – балан, суык һәм кояш булса, ашлык, карабодай уңар. 21 апрельдә көн кояшлы икән, җәй җылы килер. Көн бозылып торса, икмәк уңмас. 22 апрельдә һава торышы “утырып” беткән икән, коры җәй көтегез. 23 апрельдә кояш томан әсирлегендә булса, икмәк уңар. 24 апрель көнне сулар агып бетмәсә, яз соңга кала. 25 апрельдә төш вакытында болытлар куерса, ике көн тоташ яңгыр явар. 27 апрельдә катлам-катлам болытлар җәелсә, атна-ун көн эчендә явым-төшем булмас. 28 апрельдә җил көньяктан иссә – яңгырга. 29 апрель көнне салават күпере чыкса, һава торышы бозылыр. 30 апрельдә бал кортлары шәмәхә төскә кунса, чия уңышы мулдан булыр. Сынамышлар * Апрель артык җылы булса, май салкын, җилле булыр. * Апрельнең алтысында торна кычкырса, ел яхшы килә. * Апрель яңгырлы булса, гөмбә уңар.* Ай башында яшен яшьнәсә, җәй җылы килер һәм чикләвек мулдан булыр. * Апрельдә көндез – кызу, төнлә салкынча булса, җылы җәй юрыйлар. * Ай ахырында төннәр йолдызлы булса, уңыш уңар. Соңгы ун көнендә яңгырлар яуса да ел уңдырышлы булыр. * Апрельдә каен суы күп акса, җәй яңгырлы килер. * Апрельдә карлыгачлар килмәү – салкын язга. Истәлекле көннәр, һөнәри бәйрәмнәр һәм юбилейлар 1 – Көлке көне;– Бөтендөнья кошлар көне.2 – Халыкара балалар китабы көне;– Геологлар көне.5 – Күренекле җырчы Саҗидә Галимованың тууына 90 ел.7 – Бөтендөнья сәламәтлек көне;– Су асты көймәләрендә һәлак булганнарны искә алу көне;– күренекле дәүләт эшлеклесе Урал Бакировка – 90 яшь.8 – Хәрби комиссариат хезмәткәрләре көне.10 – Галим, Башкортстанның халык язучысы Гайса Хөсәеновның тууына 95 ел.12 – Бөтендөнья авиация һәм космонавтика көне.15 – Халыкара цирк көне;– Башкортстанның халык шагыйре Роберт Пальгә – 85 яшь.17 – Кадер кичәсе.18 – Халыкара һәйкәлләр һәм тарихи урыннар көне;– күренекле җәмәгать һәм дәүләт эшлеклесе, язучы Даут Юлтыйның тууына 130 ел.20 – Русиядә Донорлар көне;– җырчы һәм педагог Фәрзәнә Сәгыйтовага – 80 яшь.21 – Ураза гаете.22 – Халыкара Җир көне;– күренекле баянчы Миңнәхмәт Гайнетдиновка – 80 яшь.23 – Халыкара китап һәм авторлык хокукларын яклау көне.24 – Тарихчы, профессор Хәмзә Усмановның тууына 100 ел.25 – Күренекле галим, педагог һәм дәүләт эшлеклесе Раил Әсәдуллинга – 70 яшь;– билгеле шагыйрә Халисә Мөдәрисовага – 70 яшь.29 – Халыкара бию көне.30 – Янгыннан саклаучылар көне.