Ә сланецлар? Ә менә Уфада яшәүче Фларит исемле егетнең песие кия! Әмма ул аларны сатарга булган һәм бу хакта «Авито»га белдерү куйган. Баксаң, алар аның мыраубаена таман булмаган, шуңа күрә ул аларны сатарга уйлаган.Фларит мәчесенең аяк киемен 1500 сумга сата. Бу акчага Интернетта кешеләр өчен 5 пар шлепка сатып алырга мөмкин."Минем мәчем саран, җитмәсә, ул комсыз. Алай да бераз арзанракка сатам әле. Мондый сланецларны бүтән беркайда да таба алмассыз, аңа Бразилия флагы да төшерелгән", — ди сатучы.Бу сланецалрның нәрсә өчен ясалганын Фларит белми. Ул аларны гадәти гипермаркеттан сатып алган. Комплекттагы сланецлар мәчеләрнең аяклары кебек дүртәү түгел, ә икәү генә, чөнки алгыларына кирәкми, сланцылар арткы аяклары өчен генә тәгаенләнгән.- Үлчәмен дөрес сайламаганмын, песием бер атна чабып йөрде дә зарлана башлады, - ди сату сәбәпләре турында ир.Кем зарланадыр әле монда!