Анда дәүләт хакимияте органнары, икътисад һәм эшкуарлыкны үстерү институтлары җитәкчеләре, бизнесменнар, Абхазия һәм Башкортстанның эре компанияләре вәкилләре катнашты.Абхазия Президенты Аслан Бжания Башкортстан делегациясен сәламләде һәм аның вәкилләренә уңышлы эш һәм абхаз партнерлары белән яңа эшлекле элемтәләр булдыруны теләде.Башкортстан Башлыгы үзенең чыгышында кичә Русия Президенты Владимир Путинның үз указы белән илнең тышкы сәяси концепциясен раславын ассызыклады. Документ нигезендә Русия Федерациясе, аерым алганда, социаль-икътисади үсешкә һәм Абхазиягә киң колачлы ярдәмгә өстенлекле игътибар бирергә ниятли.Башкортстанның икътисади үсеш һәм инвестиция сәясәте министры, беренче вице-премьер Рөстәм Моратов төбәкнең җентекле презентациясе белән чыгыш ясады. Ул ассызыклаганча, республиканың ышанычлы икътисади партнер буларак абруе бар. Эшлекле мохит сыйфаты һәм эшкуарлык эшчәнлегенең уңайлылык дәрәҗәсе буенча Башкортстан Русия лидер-төбәкләре исәбендә.Вице-премьер, шулай ук, үзара хезмәттәшлек өстенлекләрендә товарларның иң кирәкле төркемнәре буенча уртак производстволар булдыру мөмкинлеге барлыгын хәбәр итте.Быел майда Абхазиягә Башкортстанның бизнес-миссиясе барачак, аның составына төбәк министрлыкларыннан экспертлар һәм экспортка юнәлтелгән компанияләр җитәкчеләре керәчәк.Фото: glavarb.ru