ЙОНДОҘНАМӘ (3 – 9 апрель)

ҠУҘЫ Матди мәсьәләләр контролдән сығыр, моғайын. Шуға күрә аҡсаға бәйле проблемаларҙы етди уйлап хәл итеү шарт. Эске һиҙемләүгә ҡо­лаҡ һалырға, йөрәк ҡушыуы буйынса эш итергә тырышығыҙ. Башбаштаҡлыҡҡа юл ҡуймағыҙ, сит кешеләрҙең кәңәшенә ҡолаҡ һалмағыҙ. БУҒА Был аҙнала барлыҡ кәртәләрҙе емереп, үҙегеҙ теләгәнсә үҫешкә өлгәшә алаһығыҙ. Эштә лә, шәхси тормошта ла ҡыйынлыҡтар булыуы ихтимал. Аҡса мәсьәләһен хәл итеүҙе кисектереп тороу хәйерле. ИГЕҘӘКТӘР Тирә-яҡтағы шау-шыуҙан ҡасып, тәбиғәт ҡосағына юлланыу теләге тыуыр, моғайын. Быны аҙнаның тәү­ге яртыһында тормошҡа ашырырға мөмкин. Бурысҡа аҡса биреп тороуҙы йәки, киреһенсә, алған бурысты ҡайтарыуҙы һорау­ҙары ихтимал. ҠЫҪАЛА Аҙнаның башы ҡаршылыҡлы хис-тойғоларға, ваҡиғаларға бай булмаҡ­сы. Матди йәһәттән бер аҙ ҡыйын­лыҡ­тар ҙа, яҡындарығыҙ менән аңлашылмаусанлыҡтар ҙа тыуыр кеүек. Аҙна аҙағында айырыуса һаҡ булығыҙ. АРЫҪЛАН Ғаилә, романтик мөнәсәбәттәр өсөн ҡулай мәл. Аҙна башында һәр йәһәттән ҡәнәғәтлек кисереп, үҙе­геҙ­ҙе барлыҡ күңелһеҙлектәрҙән арын­ғандай тойорһоғоҙ. Тормошоғоҙ­ҙағы, эшегеҙҙәге ҡатмарлы мәсьәләләр үҙ яйы менән хәл ителер. ҠЫҘ Дүшәмбе һәм шишәмбелә үҙе­геҙҙе артыҡ кешеләй, ваҡиғаларҙан ситләшкәндәй хис итерһегеҙ. Бор­солмағыҙ, әле һеҙҙең өсөн был бик тә ҡулай. Аҙна уртаһында хеҙмәттәш­тәрегеҙ менән низағлашыу арҡаһында кәйе­фегеҙ ҡырылыр, моғайын. Шуға күрә үҙегеҙҙе ҡулда тоторға, күберәк ял итергә тырышығыҙ. ҮЛСӘҮ Осор әллә ни уңышлы булмаһа ла, күп нәмә үҙегеҙҙең ҡулда. Шуға күрә күңелһеҙ хәлдәрҙе алдан кү­ҙал­лап, уларҙан ҡотолоу сараһын күрегеҙ. Эшегеҙҙең тейешенсә баһа­ланмауына кәйефегеҙ төшөр, моғайын. САЯН Аҙна башында күңелһеҙ ваҡи­ға­нан кәйефегеҙ ҡырылыр. Ләкин бор­солмағыҙ, хәүеф­ләнергә урын юҡ. Матди хәлегеҙ яҡшырыр, өҫтә­үенә, бының өсөн әллә ни күп көс тү­гергә лә тура килмәҫ. Яҡындарығыҙҙың кәңәшенә ҡолаҡ һалығыҙ, файҙаһы тейер. УҠСЫ Кәңәш, күрһәтмә бирергә әүәҫ­ләнеп киттегеҙ түгелме? Яҡын­да­рығыҙ быға мохтаж­лыҡ кисерһә ярай ҙа. Фекерегеҙҙе көсләп та­ғырға ты­рыш­мағыҙ. Аҙнаның икенсе яртыһында килем алыу мөмкинлеге артыр. ЫЛАҠ Ҡатмарлы, мәшәҡәтле мәл көтә. Эшегеҙҙән ҡәнәғәтлек кисермәҫ­һе­геҙ, шул уҡ ваҡытта уны ташлап та ҡуя алмаҫһығыҙ. Аҙна уртаһын­дағы романтик осрашыуҙан, изге күңел­ле кеше­ләр менән аралашыуҙан күңелегеҙ күтәрелер. ҺЫУҒОЯР Үҙ эсегеҙгә бикләнеп, яуаплы­лыҡ­тан, бурыстарығыҙҙан баш тартыу те­лә­ге уяныр. Кисектерә килгән эштәрҙе башҡарырға ваҡыт етте. Шул арҡала күп нәмәгә өлгөрә алмай яфаланыр­һығыҙ, моғайын. БАЛЫҠ Әүҙем эш осоро. Көс-дәртегеҙ ташып торор. Тик уны дөрөҫ фай­ҙа­ланыу йәһәтенән генә ҡыйынлыҡ тыуыр, моғайын. Яҡындарығыҙҙың аҡыллы кәңәшенә ҡолаҡ һалһағыҙ, барыһы ла ал да гөл булыр. Эш-ғәмәлдә­регеҙҙе алдан күҙаллау хәйерле.