Билгә каеш буар чак җитте!

1 апрельдән Башкортстанда армиягә язгы чакырылыш башлана. Аның вакыты үзгәрешсез кала. Һәр ел саен Башкортстанда хәрби хезмәткә чакырылучыларны ике тапкыр – яз һәм көз айларында алалар. Шул ук вакытта чакырылыш чоры, гадәттә, үзгәрми: язын 1 апрельдән 15 июльгә кадәр, көз – октябрьдән 31 декабрьгә кадәр.Узган елда көзен чакырылыш вакыты өлешчә мобилизация чаралары уздыру сәбәпле күчерелде. Быел армиягә язгы чакырылыш вакыты үзгәртелми.Күпме кеше чакырылачак?Русиядә ел саен армиягә якынча бер үк санда яшь солдатларны хәрби хезмәткә җыялар. Хәрби хезмәткә алынучылар планы һәр төбәккә аерым җиткерелә, әмма язгы һәм көзге чакырылышларда төгәл солдатлар саны Президент указы белән билгеләнә. Бу документ, гадәттә, апрель ахырында барлыкка килә.Узган елгы язгы чакырылыш чорында Башкортстаннан 6 меңнән артык кеше хәрби хезмәткә алынды, ә көзен армия сафларына 4 мең кеше китте.Быел армиягә ничә яшьтәналачаклар?Русиядә, гамәлдәге законнарга ярашлы рәвештә, армиягә егетләр 18 яшьтән чакырыла ала. Хезмәткә чакырылган егетләрнең чик яше – 27 яшь. Агымдагы елда хәрби хезмәткә чакыру яшен арттыру буенча законнарга бернинди үзгәрешләр кертелмәде. Әмма Русия оборона министры Сергей Шойгу чакырылышның яшь кысаларын өч елга арттырырга, ягъни армиягә 21 яшьтән 30 яшькә кадәрге ир-егетләрне җыярга тәкъдим итте. Әлеге башлангычны Дәүләт думасында хупладылар, әмма әлегә закон дәрәҗәсендә кабул ителмәде.Хезмәт итү вакыты озайтылачакмы?Егетләр Русия Армиясе сафларына хәрби хезмәткә 12 айга чакырыла. Ләкин кайбер депутатлар һәм экспертлар, бу вакыт югары квалификацияле хәрби кадрлар әзерләү өчен җитәрлек түгел, дип саный. Шуңа бәйле рәвештә, Русиядә элек булган кебек, хезмәт итү вакытын ике елга кадәр арттыру тәкъдим ителде. Әмма бу башлангыч әлегә рәсми дәрәҗәдә каралмый. Агымдагы елның язгы чакырылышы вакытында аны кертү ихтималлыгын Кремль дә, Оборона министрлыгы да кире кага.Призывниклар махсус хәрби операциядә катнашмаячак!Агымдагы елда язгы чакырылышта армия сафларына юл тоткан егетләр сугыш хәрәкәтләре зоналарына, шул исәптән махсус хәрби операциядә катнашмаячак. Махсус хәрби операция зонасына призывникларны җибәрүнең рөхсәт ителмәве турында Русия Президенты Владимир Путин берничә тапкыр сөйләде. Бу хакта Башкортстанның хәрби комиссары Михаил Блажевич та белдерде.– Шунысын да билгеләп үтәргә телим: язгы чакырылыш чаралары махсус хәрби операция үткәрү белән бәйле түгел. Элеккечә, чакырылыш закон нигезендә билгеләнгән срокларда, план тәртибендә башкарылачак. Чакырылыш буенча барлык хәрби хезмәткәрләр, белгечлекләре булуга карамастан, Русия Федерациясе территориясендә хезмәт итү өчен частьларга җибәреләчәк. Махсус хәрби операциядә призывниклар катнашмаячак, – диде Михаил Блажевич.