"Светлана Хоркина исемендәге Гимнастика үзәгендә беренче зур ярышлар уза. 12-13 яшьлек малайлар һәм 11-12 яшьлек кызлар арасында спорт гимнастикасы буенча Русия беренчелеген кабул итәбез. Катнашучылар арасында - Русиянең 42 шәһәреннән 100гә якын кеше. Ярышлар шәхси күпбәйгедә һәм аерым дисциплиналарда уза. 2 апрельгә кадәр дәвам итәчәк бәйгеләрдә барлыгы 12 комплект бүләк уйнатыла. Бирегә теләгән һәркемне чакырам. Безнең Башкортстанда мондый зур чаралар үткәрергә мөмкин булган яңа үзәкләр барлыкка килүенә шатмын. Тиздән алар тагын да күбрәк булачак", - дип яза Радий Хәбиров. Фото: bashinform.ru
