ДОМ. РФ банкы торак төзелешенә ярдәм итәчәк

- Бу инде РФ ДОМ банкы портфелендә шәхси торак төзелешенең өченче проекты, ул илдә эскроу һәм проект финанславы счетлары механизмы кулланып гамәлгә ашырылачак. Системаны ИЖС сегментына тарату шәхси йорт төзелеше базарын үстерүгә өстәмә импульс бирәчәк. Проектны гамәлгә ашыру өчен Башкортстанда территорияләрне комплекслы үстерү механизмы да эшли, бу халыкны сыйфатлы торак белән генә түгел, кирәкле инфраструктуралы уңайлы мохит белән дә тәэмин итәчәк. Беренче этап кысаларында 40тан артык гаилә өчен торак төзиячәк. Киләсе чиратларны тормышка ашыру өчен девелоперны кредитлау мөмкинлеген карыйбыз, - дип шәрехләде ДОМ РФ банкы вице-президенты Антон Медведев. Уфа районында бирелгән акчага территорияләрне комплекслы үстерү механизмы кысаларында алты таунхаус төзеләчәк. Барлыгы 32 гектар мәйданда таунхаусларда 300гә якын уңайлы фатир һәм 90 шәһәр яны йорты төзеләчәк. Беренче таунхаусларны 2024 елның I кварталында файдалануга кертергә планлаштыралар. Төзелеш өч этапта алып барылачак, эш тулысынча 2027 ел ахырында тәмамланачак. - Индивидуаль торак төзелешен үстерү - «Торак һәм шәһәр мохите» гомумдәүләт проектын гамәлгә ашыруның бер өлеше. Республикада ИЖС төзелеше көчәя бара. Башкортстанда торак тапшыру буенча рекордлы булган узган ел эчендә якынча 2 миллион квадрат метр ИЖСка туры килә. Быелның гыйнвар-февраль айларында төбәктә индивидуаль йортлар төзү күләме, узган ел белән чагыштырганда, 30 процентка арткан, - дип билгеләп үтте Башкортстан Республикасының төзелеш һәм архитектура министры урынбасары Артем Ковшов.