Бүген республика Хөкүмәте Дәүләт җыелышы-Корылтайга башкаралыган эшләре турында хисап тотты. Яңгыраган чыгышлардан республиканың бик күп тармакларда үсеш күрсәтүен билгеләде чыгыш ясаучылар. Парклар, ихаталарда башкарылган ремонт эшләре - моның бер күрсәткече. Шулай ук, кайчандыр башланган, әлегә берникадәр онытылып торган башлангычлар да яңача эшли башлады. Шуларның берсе итеп "Алга" транспорт картасын атарга мөмкин. - Эшсезлек турында сөйләгәндә бүген Премьер-министр үзенең докладында федераль үзәктән килгән башлангычларның нәтиҗәле булуын ассызыклады. Менә шушы 1,5 миллиард сум аерым очракларга бүленде. Кайбер предприятиеләр эш урыннарын бетерү алдында калган иде. Кешеләр сезонлы эшкә бармый. Тирә-якны матурлау, торак-коммуналь хезмәтләр күрсәтүгә нигезләнгән эш урыннары турында сүз бара. Шулай ук эшсез калу алдында торган кешеләрне яңадан укыту өчен дә акча бүленгән иде. Шундый һәр предприятие белән аерым эш алып барылды. Шул рәвешле 30 мең кешенең эш урынын саклап калуга ирештек. Моннан тыш, мәшгульлек үзәге эшен тәртиптә тотучы үзәк тә эшли. Без эш бирүчеләр белән тыгыз бәйләнештә торабыз. Мәсәлән, "Алга" предприятиесенә күп белгечләр кирәк булачагын беләбез. Шундый потенциаль предприятиеләр белән дә эш алып барабыз. Эшчеләр эзләп авыллага да барган бар. Атап әйткәндә, предприятиеләр өчен кирәкле белгечләр әзерләүгә басым ясыйбыз. СВОда катнашучыларның гаиләләренә дә ярдәм даими күрсәтелә. Атна саен республика Башлыгы боерыгы үтәлүне тикшереп мониторинг үткәрәбез. Анда СВОда катнашучылар һәм аларның гаиләләренә ярдәм күрсәтү билгеләнгән. Бу ярдәм бик кирәк. Без гаиләнең кеременә карамый түләүләрне башкарабыз. Бүген 7 меңнән күбрәк гаилә пособиеләр ала. Шулай ук СВОда катнашучыларның әниләренә социаль ярдәм күрсәтәбез. 44 гаиләдә инвалид балалар тәрбияләнә. Алар да безнең ярдәмне даими тоя. Аеруча белем бирү, туклануда ярдәм зур. Шулай ук мәктәпләр, коллдежларны алыштыру буенча безгә мөрәҗәгать итәләр. Гомумән, бүген без мондый гаиләләргә 30дан күбрәк төр ярдәм күрсәтәбез, - диде республиканың гаилә, хезмәт һәм халыкны социаль яклау министры Ленара Иванова. Фото: resbash.ru