- Без республика Башлыгының яңартыла торган 50 МВт яңа генерация кертү буенча 310нче указы ориентирын тулысынча үтәдек. Сибайда 500 киловольтка яңа подстанция төзелешенә керешергә әзерләнәбез. Станция төзелешенә һәм 4 бүлү үзәгенә кертемнәрнең гомум суммасы 10 миллиард сумнан артык тәшкил итәчәк. IV кварталда төзелеш башлыйбыз, 2026 елга кадәр тәмамлыйбыз, - дип өстәде Министрлар кабинеты башлыгы. Бу Урал аръягы энергия белән тәэминатын көчәйтү генә түгел, ә төбәкнең инвестицион җәлеп итүчәнлеген сизелерлек арттырачак, дип билгеләп үтте Андрей Назаров. Республикада генерацияләү куәтләрен системалы рәвештә яңарту дәвам итә. Федераль программа кысаларында якындагы 10 елда төбәкнең алты эре электр станциясе модернизацияләнәчәк. Модернизацияләүдән соң беренче объект - Карман ГРЭСы энергоблогы, 2022 елның декабрендә эшләтеп җибәрделәр. - Тергезелә торган энергия чыганаклары да начар үсеш кичерми. Бездә инде 7 кояш электр станциясе эшли. 2022 елның октябрендә Агыйдел буенда СЭС эшләтеп җибәрделәр. Русия җиһазларын кулланып, 70 процентка төзелгән. Бернинди парник газлары да юк, бары тик экологик чиста электр энергиясе генә. Киләсе елда Баймак районында мондый станцияне файдалануга тапшыруны планлаштырабыз, - дип билгеләп үтте Башкортстан Республикасы Премьер-министры урынбасары, сәнәгать, энергетика һәм инновацияләр министры Александр Шельдяев. Башкортстан Хөкүмәте рәисе предприятиеләрнең үсешенә дәүләт ярдәменең төзелгән системасы ярдәм итә, дип ассызыклады. Узган 3 елда сәнәгать линиясе буенча республика дәүләт ярдәме күләме 8 миллиард сум тәшкил иткән, бу сумманың яртысы 2022 елда гына бүлеп бирелгән. - Сәнәгатькә ярдәм программаларына 4 миллиард сумнан артык акча җибәрелде, бу 2021 ел дәрәҗәсеннән 3,5 мәртәбә артык. Монда мөһим инструмент булып республика сәнәгать үсеше фонды тора. Аны капитализацияләү узган елда 1,2 миллиард сумнан артып киткән. Ул ел саен иң яхшы 5 төбәк фондына керә, - диде Андрей Назаров. 2022 елда Сәнәгать үсеше фонды 33 проектны хуплады, инвестицияләрнең гомум күләме 8,3 миллиард сумнан артык. Федераль фонд линиясе буенча проектларны гамәлгә ашыруга 3,4 миллиард сум җәлеп ителгән, проектлар буенча инвестицияләрнең гомуми күләме 6,9 миллиард сум. Аларның иң зурлары нефть-газ эшкәртү, нефть химиясе, авиатөзелеш тармагында гамәлгә ашырыла.