Սաուդյան Արաբիայի արտաքին գործերի նախարար Ֆեյսալ բեն Ֆարհան Ալ Սաուդը և նրա իրանցի գործընկեր Հոսեյն Ամիր Աբդոլլահիանը հանդիպել են Պեկինում։ Սա երկու երկրների արտգործնախարարների առաջին պաշտոնական հանդիպումն է ավելի քան յոթ տարվա ընթացքում, հայտնում է ՌԻԱ Նովոստին։
Արտաքին գործերի նախարարները փոխըմբռնման հուշագիր են ստորագրել Էր Ռիադում և Թեհրանում դեսպանատներ, ինչպես նաև Ջիդդայում և Շահիդում հյուպատոսություններ բացելու վերաբերյալ։
Ավելի վաղ ԶԼՄ-ները հայտնել էին Պեկինում հանդիպման նախապատրաստման մասին՝ երկու երկրների միջև դիվանագիտական հարաբերությունների վերականգնման համաձայնագրի ակտիվացման նպատակով։ Աղբյուրները պարզաբանել էին, որ Պեկինի ընտրությունը որպես երկու նախարարների հանդիպման վայր պայմանավորված է նրա դերով այս երկրների միջև համաձայնության հասնելու և նրանց միջև փոխգործակցության դյուրացման գործում:
Թեհրանի և Էր-Ռիադի միջև դիվանագիտական հարաբերությունները խզվել էին 2016 թվականին՝ Իրանում Սաուդյան Արաբիայի դիվանագիտական ներկայացուցչությունների վրա ցուցարարների հարձակումից հետո՝ ընդդեմ թագավորության կողմից նշանավոր շիա աստվածաբան Նիմր ալ-Նիմրի մահապատժի, սակայն վերջին ամիսներին երկու կողմերը ցանկություն են հայտնել լուծել տարաձայնությունները: