2022 елда ресурслар күп таләп итүче масштаблы проектны гамәлгә ашыру башланды. Аның кысаларында башкаланың Көньяк керү урынында урам-юл челтәрен реконструкцияләү буенча эшләр алып барыла, шулай ук зур сыйдырышлы автобуслар сатып алынган.- "Көньяк капка" проекты кысаларында инвестицияләр күләме 16 млрд сумнан артып китә. Ул Пугачев урамын реконструкцияләүне һәм Генерал Рыленко урамын транспорт чишелеше белән бергә төзүне күздә тота. Әлеге объектларны 2024 елда кертү планлаштырыла, - ди БР Хөкүмәте Премьер-министры Андрей Назаров. - Моннан тыш, әлеге чаралар Уфага нигез салынуның 450 еллыгын бәйрәм итүгә багышланган объектлар исемлегенә кертелгән.Быел Уфаның Көньяк урау юлын һәм Кузнецов затонындагы күпер аша чыгуны проектлауны тәмамлау планлаштырыла. Инвестицияләр күләме 38 млрд сумга якын тәшкил итәчәк.2023 елда Зининода транспорт развязкасы төзелеше дәвам итәчәк. Әлеге объектта М-5 Урал автоюлындагы транспорт чишелешен Нагаев шоссесына тоташуга кадәр автомобиль юлы төзелә, җир япмасын салу буенча эшләр башкарыла. Планлаштырылган 530 000 куб ком-гравий катнашмасының 363 000 кубы объектка кертелгән.- 2023 елның августында беренче машиналар Зинино торак пункты янындагы яңа транспорт развязкасы буенча узачак. Бу вакыйганы башкала халкы гына түгел, ә Иглин районының кайбер торак пунктлары да түземсезлек белән көтә, - ди Башкортстан Республикасы Хөкүмәте Премьер-министры Андрей Назаров. - Исегезгә төшерәм, төп юлның гомуми озынлыгы 1850 метр тәшкил итәчәк. Проектта шулай ук өч метр киңлектәге тротуарлар һәм ике автобус тукталышы каралган.Башкортстан тарихында иң масштаблы транспорт проекты – Көнчыгыш чыгу юлы төзелеше дәвам итә (ул 1992 елда башланган). Проектны гамәлгә ашыру шәһәрнең хәзерге магистральләренә йөкләнешне киметәчәк һәм аларның үткәрү сәләтен арттырачак, М-5 Урал трассасына өстәмә чыгуны тәэмин итәчәк.Көнчыгыш чыгу тоннелендә төзелешнең иң зур һәм технологик яктан катлаулы этабы тәмамланды.Тимер юл инфраструктурасын үстерү буенча эш дәвам итә. Стратегик партнер Урал тау-металлургия компаниясе белән берлектә «Сибай - Подольск - Новорудная» тимер юл линиясе төзелешенең техник-икътисади нигезләмәсен эшләү тәмамланды. Проектның беренчел бәясе 116 млрд сум тәшкил итәчәк.