Федоровка районының Гавриловка ауылы халҡы хәрбиҙәргә ярҙам итә. Быға тиклем М. Шайморатов исемендәге штаб аша аҙыҡ-түлек һәм башҡа кәрәк-яраҡтар менән посылкалар ебәрһәләр, шунан ҡатын-ҡыҙҙар дәррәү блиндаж шәмдәре эшләүгә тотондо, Интернет аша парафин алдылар, ауылдаштар банка килтерҙе. Ҡул эшенә оҫта өләсәйҙәр, әсәйҙәр, апайҙар, һеңлекәштәр алғы һыҙыҡтағыларға маскировка селтәрҙәре кәрәклеген белгәс, был эштең нескәлектәренә өйрәнеп, өйҙәренән ҡара, йәшел,һоро төҫтәрҙәге туҡымалар килтереп, яңы һөнәрҙе үҙләштерҙе. 20-нән ашыу ҡатын-ҡыҙ бер нисә көн эсендә 24 метрлыҡ биш селтәр әҙерләне. Өҫтәп туҡымалар һатып алыуға ҡалала йәшәгән яҡташтары ла ярҙам итте. Хужабикәләр хәрбиҙәр өсөн туҡмас та ҡырҡып, әҙерләп ебәрергә йыйына, тип хәбәр итә “Ашкадарские зори”. В. ФИЛИМОШИНА фотоһы.