Масштаблы проектларның берсе - башкаланың Октябрь районында Максим Рыльский урамын реконструкцияләү. Уфа хакимияте башлыгы Ратмир Мәүлиев эшләрне җылылык белән тәэмин итү челтәрләрен яңарту белән берләштерергә планлаштырулары турында хәбәр итте, аны 2024 елда үткәрәчәкләр. Шуннан соң Жуков урамыннан алып Караидел елгасы яр буе урамына кадәр бөтен җирдә яңгыр канализациясен, юл һәм тротуар өслекләрен алмаштырачаклар. Моннан тыш, планда - Максим Рыльский урамында ял итү урыннары булган рекреацион зоналар оештыру, урамнарны яктырту һәм видеокүзәтү системаларын монтажлау. Киңәшмәдә катнашучылар, шулай ук, Уфаның Совет районындагы Урманчылар паркын төзекләндерү концепциясен карады. Сүз анда урман зонасын чистарту, җәяүлеләр һәм велоюлларны яктырту, шулай ук балалар уен һәм спорт зоналарын модернизацияләү турында бара. Проектны ике этапта тормышка ашырырга ниятлиләр, аларның беренчесенә киләсе елда керешергә планлаштыралар. Республика Башлыгы билгеләп үткәнчә, муниципалитет урман паркын төзекләндерүне шәһәр халкы фикере белән исәпләшеп гамәлгә ашырырга тиеш. - Урманчылар паркы - Уфаның табигый энҗеләренең берсе. Бу территориянең табигыйлеген мөмкин кадәр күбрәк саклап калу мөһим, - дип ассызыклады Радий Хәбиров. - Аларның фикерен исәпкә алып төзекләндерү өчен халык белән, һичшиксез, аралашыгыз. Фото: glavarb.ru