Башҡортостан Хөкүмәте хәбәр итеүенсә, инвестициялар порталының “Инвестиция картаһы” тип аталған бүлегендә урынлаштырылған ҡулланма Башҡортостанда эшҡыуарлыҡты үҫтереү өсөн тәғәйенләнгән ер биләмәһен һайлауҙа бөтә аҙымдарҙы күрһәтеп бирә. “Ошо видеоҡулланма – инвестор булырға теләгәндәр өсөн уңайлы шарттар тыуҙырыуҙағы тағы бер аҙым”, – ти Корпорацияның генераль директоры Наил Ғәббәсов. – “Ҡулланыусыларҙың буш ер биләмәләрен эҙләгәндә ваҡытын сарыф итмәҫ өсөн, беҙ унда бөтәһен дә иҫәпкә алдыҡ”. Тулыраҡ мәғлүмәтте инвестиция карточкаһының инвестмайҙан паспортында алырға мөмкин. Фото: Башҡортостан Хөкүмәте сайтынан.