Чара барышында, хокукый ярдәм сорап, 60ка якын граждан, шәхси эшкуарлар һәм юридик берәмлекләр вәкилләре, күчемсез милек базарында профессиональ катнашучылар мөрәҗәгать итте.- Башкортстанның Күпфункцияле үзәге мәйданчыкларында даими рәвештә хакимият органнары һәм оешмалары белгечләренең күчмә консультацияләре уза. Шуның нәтиҗәсендә кече һәм урта эшкуарлык субъектлары һәм кешеләр үз мәсьәләсе буенча актуаль мәгълүматны турыдан-туры беренчел чыганактан алала. "Росреестр" идарәсе чаралары уңай билгеләнә һәм шактый кирәкле, - дип аңлатма бирде Башкортстан Республикасы КФҮ директоры Наталья Куприянова.Мөрәҗәгать итүчеләр биргән төп сораулар күчемсез милекне теркәүнең хокукый аспектларына, күчемсез милеккә күчермәләр бирүгә, җир кишәрлекләрен, биналарны һәм корылмаларны арендалау һәм законлаштыру кагыйдәләренә һәм процедураларына кагылган. Консультацияләрдән тыш, "Росреестр" вәкилләре гражданнарны һәм эшкуарларны "Росреестр"ның электрон сервисларын куллануга җәлеп итүгә юнәлтелгән мәгълүмати эш үткәрде.- Даими консультацияләр оештыру дәүләт хезмәтләре күрсәтүнең сыйфатын яхшырту һәм күчемсез милек белән бәйле процедураларны гадиләштерү буенча "Росреестр" башлангычының бер өлеше булып тора. Айның һәр беренче сишәмбесендә республиканың 14 муниципаль берәмлегендәге КФҮ мәйданчыкларында "Росреестр" идарәсе белгечләре барлык кызыксынган кешеләргә консультацияләр бирә. Моннан тыш, теләгән һәркем колл-үзәк аша белгечләр консультациясе өчен дистанцион рәвештә мөрәҗәгать итә ала: 8-800-100-34-34, түләүсез онлайн-идарә консультанты, шулай ук "Росреестр" порталындагы «Тормыш ситуацияләре» сервисыннан файдалана ала, - диде Башкортстан буенча "Росреестр" идарәсе җитәкчесе Петр Клец.Киләсе чара 2 майга Бәләбәй, Белорет, Дүртөйле, Мәләвез, Нефтекама, Октябрьский, Салават, Сибай, Учалы, Күмертау, Дәүләкән, Стәрлетамак, Ишембай, Уфа шәһәрләренең КФҮләрендә планлаштырылган.