Премьер-министр ассызыклаганча, ташламалы категория гражданнарның торак шартларын яхшыртуда Башкортстан алга киткән.- Без финанслауны күп тапкыр арттырдык. Дүрт ел эчендә 12 млрд сумга якын. 41 425 кеше турыдан-туры торак белән тәэмин ителгән (ятим балалар һәм инвалидлар), яки аны сатып алу өчен сертификатлар алган (күпбалалы һәм яшь гаиләләр, сугыш ветераннары, мәҗбүри күченүчеләр, беренче бала туганда), - диде Андрей Назаров.Алданган өлешчеләрнең проблемасын хәл итү буенча Башкортстан иң күп гражданнарның хокукы тергезелгән төбәкләрнең беренче бишлегенә керде.- Соңгы дүрт елда 7 842 өлешченең хокукы тергезелде. Проблемалы объектлар реестрыннан 117 йорт чыгарылды, аларның күпчелеге былтыр, - дип билгеләп үтте Андрей Назаров.Төбәктә актив эш алып барыла торган тагын бер юнәлеш – 2017 елның 1 гыйнварына кадәр авария хәлендә дип танылган торак фондыннан гражданнарны күчерү.- Дүрт ел эчендә без авария хәлендәге 86 мең квадрат метр торактан 7 меңгә якын кешене күчердек. Бу максатларга 1,7 млрд сумга якын акча юнәлтелгән, - дип белдерде Андрей Назаров.Яшәү өчен яраксыз торактан күчерү «Торак һәм шәһәр мохите» гомумдәүләт проектының «Яшәү өчен яраксыз торак фондын тотрыклы киметүне тәэмин итү» федераль проектын гамәлгә ашыру кысаларында бара.- Бу юнәлештә эш дәвам итәчәк: быел без гражданнарны авария хәлендәге торактан күчерү программасын вакытыннан алда тәмамларга һәм республиканың тагын 14 мең кешесен күчерү өчен яңасында катнашырга планлаштырабыз. Моннан тыш, республикада проблемалы 34 йорттан 2,6 меңгә якын зыян күргән өлешченең хокукларын тергезәсе калды, - диде төзелеш һәм архитектура министры урынбасары Артем Ковшов.