Финанс хәвефсезлеге буенча көчегезне сынап карагыз!

Анда мәктәп укучылары, студентлар һәм үз көчләрен сынап карарга теләүчеләр катнаша ала. Ике сылтама буенча теркәлергә мөмкин: берсе - мәктәп укучылары, икенчесе - калганнар өчен.Чакыру этабының иҗади биремнәре мәктәп фәннәре (математика, физика, җәмгыять белеме һәм хокук) белемнәрнең финанс мониторингы өлкәсендә катлаулы мәсьәләләрне чишкәндә ничек кулланылуын күрсәтә. Биремнәрне чишүнең тәкъдим ителгән вакыты - ике сәгать, әмма тест системасына керү тест башланганнан соң бер тәүлек эчендә ачык булачак.Мәктәп укучылары һәм студентлар өчен чакыру этабы, Халыкара олимпиаданың алдан (югары уку йорты) этабына әзерлек буларак, 8-10 сыйныф укучылары һәм студентлар өчен 17 апрельдә старт ала. "Чакыру этабы – финанс хәвефсезлеге өлкәсендәге белемнәрегезне сынап карау өчен бик яхшы мөмкинлек. Без, актив онлайн кулланучылар буларак, еш кына төрле хәвефләр белән очрашабыз. Теге яки бу хәлдә үзеңне ничек тотарга, шәхси мәгълүматларыңны, финансыңны ничек сакларга икәнлеген белү һәркемгә кирәк. Биремнәрне үтәп, кулланучылар белемнең бу катлаулы өлкәсендә үзләренең көчле һәм көчсез якларын ачыклый алачак, яңа мәгълүмат алачак", - дип билгеләп үтте статс -секретарь, "Росфинмониторинг" директоры урынбасары Герман Негляд.Олимпиада финалы 2-6 октябрьдә Сочидагы «Сириус» мәгариф үзәгендә узачак һәм 500дән артык катнашучыны берләштерәчәк. Программа тест биремнәрен, чакырылган экспертлар белән очрашуларны, спорт чараларын, семинарларны, практикумнарны, осталык дәресләрен, эш бирүчеләр белән очрашуларны, "түгәрәк өстәл"ләрне, дебатларны, иҗади очрашуларны һәм панель дискуссияләрне үз эченә алачак.Олимпиадага әзерлек һәм аны уздыру буенча Оештыру комитеты рәисе, вице-премьер Дмитрий Чернышенко хәбәр иткәнчә, быел Олимпиада 15 илне (Русия, Беларусь, Үзбәкстан, Таҗикстан, Төркмәнстан, Казахстан, Кыргызстан, Әрмәнстан, Һиндстан, Кытай, КАР, Бразилия, Иран, Намибия, Пакистан) колачлый. Олимпиаданың төп бүләге - I дәрәҗә Олимпиада ташламаларына ярашлы рәвештә, югары уку йортына, магистратурага яисә аспирантурага профильле юнәлешләргә кергәндә ташламалар, шулай ук финанс иминлеге өлкәсендә үз хыялы эшен табу мөмкинлеге.Финанс иминлеге буенча Халыкара олимпиада Русия Президенты Владимир Путин ярдәме белән үткәрелә һәм финанс иминлеген тормыш нормасы буларак популярлаштыруга, шулай ук яшьләрдә фикерләүнең яңа төрен формалаштыруга юнәлтелгән.Фото: "пресс-служа Минпросвещения России"