Чара ике көн “Торатау” Конгресс-холлында уза һәм ул "Педагог һәм остаз елы"на багышлана.Форумның беренче көне кысаларында сигез дискуссия мәйданчыгы эшләде. Чарада катнашучылар сәләтле балаларга һәм яшьләргә ярдәм итү, педагогларны аттестацияләү системасына үзгәрешләр кертү, яңа белем бирү программалары һәм мәктәпкәчә белем бирү өлкәсендә идарә мәсьәләләре буенча фикер алышты.“Мәгарифтә күтәрелеш!” форумының бер секциясендә педагоглар һәм экспертлар Башкортстанның мәгариф оешмаларында бердәм тәрбия киңлеге турында фикер алышты. Мәгариф һәм фән министрлыгының өстәмә белем һәм тәрбия бүлеге җитәкчесе Лира Терегулова билгеләп үткәнчә, Башкортстанда тәрбия эшенең төп юнәлешләрен билгеләгән Тәрбия стратегиясе гамәлгә ашырыла."Узган елның мөһим проектларының берсе — Башкортстанда Русия балалар һәм яшьләр хәрәкәтен булдыру. Быел "Движение первых" хәрәкәтенә өч меңнән артык укучыбыз кушылды", — диде Лира Терегулова.“Балачак навигаторлары” проектының координаторы Елена Трегубова балаларны тәрбияләү һәм укыту мөһимлеге турында сөйләде. Дәресләрдә тәрбия чаралары булырга һәм укытучылар укытырга гына түгел, тәрбияләргә дә тиеш, дип ассызыклады эксперт.Бүген Башкортстанның 1022 мәктәбендә “Балачак навигаторлары” проекты гамәлгә ашырыла, аларда тәрбия һәм балалар иҗтимагый оешмалары белән үзара хезмәттәшлек буенча директор киңәшчеләре эшли.Бүген форум эшен дәвам итә, әлеге мизгелләрдә дүрт дискуссия мәйданчыгында республика мәгарифе үсешенең актуаль мәсьәләләре буенча фикер алышулар бара. Алар педагогик белем бирү, максатлы укыту, бердәм инклюзив белем бирү, “Беренчеләр командасы — стратегик сессияләре” тәрбия системасына багышлана.Мәктәп форумының нәтиҗәсе пленар утырыш булачак. Анда Башкортстан Башлыгы Радий Хәбиров катнашыр дип көтелә. Шулай ук форум эшендә федераль структуралар вәкилләре, беренче чиратта Русия Мәгариф министрлыгы, Русия Мәгариф академиясе һәм илнең башка әйдәп баручы югары уку йортлары лекорлары катнаша. Динар Кәлимуллин фотосы.