Узган сезон төбәк аграрийлары өчен яңа җитештерү казанышлары һәм мөмкинлекләр елы булды.- Республика Хөкүмәте эшчәнлегенең төп юнәлешләренең берсе авыл хуҗалыгын, аграр продукция, чимал һәм азык-төлек базарларын үстерү булды, - диде Башкортстан Хөкүмәте Премьер-министры Андрей Назаров, республика Дәүләт җыелышы-Корылтайда еллык хисап белән чыгыш ясаганда. - Авыл хуҗалыгы продукциясе җитештерү күләме 247 миллиард сум тәшкил итте, 2021 ел дәрәҗәсеннән 28 проентка артып китте. Бу - узган 11 ел эчендә иң яхшы нәтиҗә.Үткән ел нәтиҗәләре буенча республика 5 миллион тоннадан артык ашлык җитештерү буенча Русиянең иң яхшы 10 төбәге исемлегенә керде. Моннан тыш, Башкортстан аграрийлары майлы культуралар һәм шикәр чөгендере җитештерү күләмен 1,5 тапкыр арттырган. 2021 елның катлаулы корылык сезоныннан соң төбәктә терлекләр баш санын тергезгәннәр, товар сөтен, ит җитештерүне арттырганнар.– Узган елдан азык-төлек тармагын үстерү программасы кысаларында без яңа дәүләт ярдәме чаралары күрсәтәбез, - диде Башкортстан Хөкүмәте Премьер-министры урынбасары, авыл хуҗалыгы министры Илшат Фазрахманов. - Эшкәртүчеләр яңа җиһазларга киткән чыгымнарның 40 процентын каплый алды. Бу чара ярдәмендә 40тан артык предприятие җитештерүне модернизацияләгән, 130 миллион сумга 100 берәмлек техника сатып алган. Түләнгән субсидияләр күләме 50 миллион сум тәшкил итә. Быел бу юнәлешкә республика бюджетыннан 100 миллион сум бүлеп биреләчәк.- Азык-төлек иминлеген тәэмин итүгә фермерлар зур өлеш кертә. Ун ел эчендә аларның саны - 1,5 тапкыр, ә тулаем җитештерүдә продукция өлеше 3 тапкыр арткан, - дип ассызыклады Андрей Назаров.Фермерлык үсешендә «Кече һәм урта эшкуарлык субъектларын акселерацияләү» төбәк проектына «Кече һәм урта эшкуарлык һәм шәхси эшкуарлык башлангычларына ярдәм» гомумдәүләт проекты аерым роль уйный.Фото: pravitelstvorb.ru