Тови па найң хатӆ ӆаваӆман, ханты па охаль мир Ворңа хатӆэӆ шеңк ӆаваӆман тайӆэӆ. Рутӆаӆ-сырӆаӆ пиӆан порыӆыты яңхӆат, ох понӆат, Каӆтащ Аңки па Турам Ащи пойкӆат, тумтак уӆапса па пайӆы юш еӆӆы ат уӆ.
Ворңа хатӆ юпийн тащан яңхты ёх ӆуң тахайӆаӆа касӆаптыты юшӆаӆ хуват щи сонтамаӆат. Ванты, нэ вуӆэт пешиӆаӆ Ун Ас шоппи вуншты юпийн сэма ат питӆат, Кев унты тумтака ат ёхтаптыӆат.
Вой-хуӆ веӆпасӆаты ёх таӆ куртӆаӆ эӆты тови куртӆаӆа касаӆӆат. Ӆуң сыса хоӆапӆаӆ, хопӆаӆ, ӆупӆаӆ иса таща ӆэщатӆаӆӆаӆ. Ун Ас пелки питты юпийн ноптаӆты панӆаӆ унты карты хопан щи манапӆат. Хуӆӆаӆ ӆашкупа мийман планӆаӆ тэкнаптаӆӆаӆ.
Муң там хатӆ кеша ищи мойӆапса ясаң китӆув: тумтака уӆаты, аӆ мушитаты, ойңа-пищаңа, йисаңа-нуптаңа, няврэмӆанан па хиӆыӆанан шавиман па шеңк мосмаңа ат тайӆайты, няврэмӆан уӆапса пайӆы юш хуват ат манаӆ!
Ияха понасман муң йис ханты мир уӆапсаев еӆӆы туӆэв, овращӆув-щащиӆув па ащикиӆув-аңкаңкиӆув ясаң еӆӆы туӆэв, ант ёрэмаӆэв!
Емаң хатӆ пиӆан!!!