Եվրոպայի առաջնության հինգերորդ տուրում հաղթել են Մկրտչյանն ու Կոբակը

Հայ շախմատիստուհիներ Մարիամ Մկրտչյանն ու Պոլինա Կոբակը հաղթել են Եվրոպայի առաջնության հինգերորդ տուրում, հայտնում է Հայաստանի շախմատի ֆեդերացիան։

Շախմատիստուհիներ Էլինա Դանիելյանը, Լիլիթ Մկրտչյանը և Աննա Սարգսյանը ոչ-ոքի են ավարտել իրենց պարտիաները։

Լիլիթ Մկրտչյանն ու Էլինա Դանիելյանը հինգ հնարավորից վաստակել են չորս միավոր։

Շախմատի կանանց Եվրոպայի առաջնության մեկնարկը տրվել է մարտի 17-ին, այն կանցկացվի մինչև մարտի 30-ը: Մրցաշարին մասնակցում են 35 երկրների 140 շախմատիստներ։ Հայաստանն առաջնությունում ներկայացնում է 6 մարզիկ:

Լրացուցիչ տեղեկությունների համար այցելեք կայք

Հայաստանի նորությունները Telegram-ում