22 мартта Уфаның ашыгыч хезмәтләренә куркыныч вакыйганың шаһитлары шалтырата. Алар сөйләвенчә, башкаланың Боҗра урамындагы 195нче йорт стенасында 8нче кат дәрәҗәсендә бер ир «йөри».Урынга Уфаның Гражданнарны яклау идарәсе эзләү-коткару отряды һәм полиция хезмәткәрләре килә. Аларны күреп калган "үрмәкүч" ир 8нче каттагы бер тәрәзәдән икенчесенә күченергә тырыша, үзе кычкырып сүгенә, ә аннары тәрәзә урынында калган арага кереп яшеренә. Коткаручылар 8нче катка күтәрелә, ә анда буш аракы шешәсе һәм кабымлыклар гына була.Ирне мондый кыланышка нәрсә этәргәне билгесез. Кайбер мәгълүматлар буенча, бәлки, җавапсыз мәхәббәттер — ул кызның фатирына тәрәзәдән керергә уйлагандыр.Бәхеткә, беркем дә бу зыян күрмәгән.