Իրանականության մեջ տեսնում ենք ադրբեջանական կողմի և՛ ագրեսիվ հռետորաբանությունը, և՛ գետնի վրա ագրեսիվ գործությունները, ինչը վերջին օրերին էլ ավելի է սրվել։ Այս մասին ԱԺ-Կառավարություն հարցուպատասխանի ժամանակ հայտարարել է ՀՀ ԱԳ նախարար Արարատ Միրզոյանը։
«Այնուհանդերձ, ադրբեջանական կողմի հետ բանակցությունները շարունակվում են և մենք ստացել են ադրբեջանական կողմի առաջարկները, աշխատում ենք դրանց վրա և առաջիկայում կլինեն մեր արձագանքը և առաջարկները։ Ավելորդ է անգամ ասել, որ այդ հռետորաբանությունը և ագրեսիվ կեցվածքը ոչ միայն չեն նպաստում խաղաղության գործընթացին , այլև նոր խոչընդոտներ են ստեղծում»,- հայտարարեց Միրզոյանը՝ հավելելով, որ հայկական կողմը շարունակելու է բանակցությունները՝ տարածաշրջանում երկարատև և կայուն խաղաղություն հաստատելու համար։
Անդրադառնալով Լաչինի միջանցքում սահմանային անցակետ դնելու վերաբերյալ ադրբեջանական կողմի մտադրությանը, Միրզոյանը նշել է, որ միջանցքի շուրջ բանակցությունները վաղուց ավարտվել են և բոլոր պայմանավորվածությունները տեղ են գտել 2020 թվականի նոյեմբերի 9-ի հայտարարության մեջ, ըստ որի՝ Լաչինի միջանցքը մնում է ռուսական խաղաղապահ զորախմբի հսկողության տակ, իսկ Ադրբեջանը շարունակում է ապահովել բեռների, մարդկանց անխափան երթևեկությունը։
«Սա ամրագրված պայմանավորվածություն է և մենք պետք է կասկած հայտնենք հետագա բանակցությունների վերաբերյալ՝ կապված նրա հետ, որ արդեն նախկին պայմանավորվածությունները չեն պահպանվում։ Մենք չենք բանակցում Լաչինի միջանկցում նոր անցակետ դնելու հարցի շուրջ
Ադրբեջանի նախագահ Իլհամ Ալիևը մարտի 18-ին հայտարարել էր, որ Հայաստանը պետք է ընդունի Բաքվի պայմանները, եթե ցանկանում է «հանգիստ ապրել» 29 հազար քառ. կմ տարածքում: «Որպեսզի Հայաստանը հանգիստ ապրի 29 հազար քառ. կմ տարածքում, կա մեկ պայման՝ ընդունել մեր պայմանը՝ պաշտոնապես ճանաչել Ղարաբաղը որպես Ադրբեջանի տարածք, մեզ հետ կնքել խաղաղության պայմանագիր և դելիմիտացիայի աշխատանքներ իրականացնել մեր պայմանների համաձայն», – հայտարարել էր Ադրբեջանի նախագահը։