Республикадан өч проект "Акыллы шәһәр" премиясендә катнашачак

"Торак тармагы" номинациясендә күпфункцияле санлы "Юрта" платформасы катнашачак, ул республика халкына торак-коммуналь хуҗалык өлкәсендә күп кенә мәсьәләләрне онлайн хәл итәргә ярдәм итә. «Инфраструктура» номинациясендә - автоматлаштырылган «РУБИН: Сопровождение ИРД» мәгълүмат системасы. Ул төрле челтәрләргә технологик тоташтыру вакытын шактый кыскартырга мөмкинлек бирә. «Муниципаль идарә» махсус номинациясендә - торак-коммуналь хезмәтләр белән тәэмин итүчеләргә юнәлтелгән республиканың ТКХ төбәк мәгълүмат системасы проекты. "Без икътисадның, социаль өлкәнең һәм дәүләт идарәсенең барлык төп тармакларына санлы инструментларны актив кертәбез. Өстәвенә, федераль сервисларны гына үстермибез, төбәк проектларын да эшлибез. Үзебезнең санлы сервисларны үстерү буенча без Русиянең иң актив субъектлары рәтенә керәбез ", - дип билгеләде Башкортстан Хөкүмәте Премьер-министры Андрей Назаров. Андрей Назаров сүзләренә караганда, күп кенә алдынгы карарлар республикада сынау узган һәм бөтен илгә таратылырга мөмкин. «Акыллы шәһәр» премиясен быел гамәлгә куйдылар. Аның максатлары һәм бурычлары арасында: шәһәр хуҗалыгын санлаштыру өлкәсендә иң яхшы тәҗрибәләрне ачыклау һәм алга җибәрү, дәүләт регуляторлары һәм заказчылары белән бизнесның турыдан-туры диалогы, Русия халкы арасында «Акыллы шәһәр» проектының мөмкинлекләрен һәм перспективаларын популярлаштыру. «Акыллы шәһәр» проекты «Торак һәм шәһәр мохите» гомумдәүләт проекты структурасында һәм «Русия Федерациясенең санлы икътисады» дәүләт программасы структурасында Русиянең Төзелеш министрлыгы тарафыннан гамәлгә ашырыла. Фото: kumertime.info #национальныепроекты