заводында эшче һөнәр ияләренә һәм техник белгечләргә ихтыяҗ кискен артты. Кадрлар мәсьәләсен хәл итү максатында предприятиедә эшлекле чаралардан максатлы укыту проекты тормышка ашырыла башлады. “Альтернатива” җитәкчесе Раил Фәхретдинов башлангычында техник белгечләр әзерләүче һөнәри уку йортлары белән бәйләнешләр җайга салына. Уфа авиация техникумы бу юнәлештә иң перспективалылардан санала. “Альтернатива”да эшләүчеләрнең балаларын әлеге уку йортына урнаштырып, диплом алган яшь белгечләрне заводка эшкә кайтару – өстенлекле проектның нигезендә шул ята. Шушы көннәрдә Уфа авиация техникумы җитәкчеләре “Альтернатива”да булып, завод эшчеләре һәм аларның балалары, шулай ук белем алуны техникумда дәвам итәргә теләгән яшь буын вәкилләре белән очрашты. Уку йорты директоры Илгиз Каршанов техникумның матди-техник мөмкинлекләре, бирелүче белгечлекләр турында җентекле таныштырды. Хәзерге чорда башкаланың урта уку йорты Уфа Фән һәм технологияләр университеты составына керә, әмма быел ул үзаллылык ала