Русия Хөкүмәте педагогик эшчәнлектәге казанышлары өчен иң яхшы укытучыларга бирелә торган премияләр санын арттырды. Бу хакта Министрлар кабинетының телеграм-каналында хәбәр ителә.Шушы елдан педагогик эшчәнлектәге казанышлары өчен иң яхшы укытучыларга премияләр бирү конкурсында җиңүчеләр саны 1000нән 1250 кешегә кадәр артачак. Тиешле карарга Русия Хөкүмәте Рәисе Михаил Мишустин кул куйды.Укытучылар конкурсы 2006 елдан башлап ел саен төбәк дәрәҗәсендә үткәрелә. Аның җиңүчеләре 200 мең сум күләмендә премия ала. 2023-25 елларга федераль бюджетта моңа ел саен 250 миллион сум акча каралган.Конкурс комиссиясе эшнең төрле юнәлешләре буенча педагогларның казанышларын бәяли. Критерийлар арасында — үз методик эшләнмәләренең булуы; аларның укучыларының нәтиҗәләре һәм казанышлары; төрле категорияле укучылар белән адреслы эш, мәсәлән, инвалид балалар белән.Конкурста белгечлек буенча өч елдан артык эшләүче укытучылар катнаша ала. Ел саен премияләр алуга Русиянең барлык төбәкләреннән 4 меңгә якын педагог дәгъва итә.Элек хәбәр итүебезчә, былтыр “Елның иң яшь укытучысы” исеменә Уфаның 112нче мәктәбенең башлангыч сыйныфлар укытучысы Анастасия Ногина лаек булды, “Башкорт теле һәм әдәбияты ел укытучысы” исеме Уфаның 107нче лицееның башкорт теле һәм әдәбияты укытучысы Мирас Ишдәүләтовка бирелде. Республиканың иң яхшы татар теле һәм әдәбияты укытучысы булып Дүртөйле районының Исмаел мәктәбеннән Ләйсән Морзаева танылды. “Башкортстанның ел укытучысы” исемен Караидел районының Караидел 1нче мәктәбе инглиз теле укытучысы Зарина Галләмова яулады. Ә абсолют җиңүче — “Ел укытучысы” исеменә Стәрлетамак 1нче гимназиясенең урыс теле һәм әдәбияты укытучысы Юлия Смехова лаек булды. Динар Кәлимуллин фотосы.