Թուրքիայում նախընտրական քարոզարշավ է սկսվել նախագահի և խորհրդարանի ընտրություններից առաջ, հաղորդում են թուրքական լրատվամիջոցները: Քարոզարշավը կշարունակվի մինչև մայիսի 13-ը, երբ կհայտարարվի «լռության օր»:
«Բուն քվեարկությունը տեղի կունենա մայիսի 14 - ին, ընդ որում, անհրաժեշտության դեպքում նախագահական ընտրությունների երկրորդ փուլը կարող է անցկացվել մայիսի 28-ին», - ճշտել են ԶԼՄ-ները:
Թուրքիայի բարձրագույն ընտրական խորհուրդը հաստատել է «ընտրությունների օրացույցը»։ Նախագահի թեկնածուների առաջադրումը տեղի կունենա մարտի 19-ից մինչև մարտի 23-ը, որից հետո մարտի 31-ին կհայտարարվի հավակնորդների ցուցակը:
ԿԸՀ-ն կուսակցությունների կամ միությունների թեկնածուների ցուցակները կընդունի մինչև մարտի 24-ի վերջը։
Ընտրությունների անցկացման մասին հրամանագիր Թուրքիայի գործող նախագահ Ռեջեփ Թայիփ Էրդողանը ստորագրել է մարտի 10-ին։ Ավելի վաղ Էրդողանը հայտարարել էր, որ ընտրվելու է նախագահական երկրորդ ժամկետում։ Թուրքիայի գործող նախագահի գլխավոր մրցակիցը կլինի ընդդիմադիր «Ժողովրդական դաշինք» կուսակցության թեկնածու Քեմալ Քըլըչդարօղլուն։