Бәйрәм мәйданында милли тирмәләр, ишегаллары урнаштырылып, күргәзмәләр оештырылган иде. Башкортстан Республикасы Халыклар дуслыгы йорты филиаллары - Гафури районының Сәетбаба авылындагы башкорт тарихи-мәдәни үзәге һәм Бүздәк районының Килем авылындагы татар тарихи-мәдәни үзәге, шулай ук таҗик, үзбәк, азәрбайҗан, төркмән һәм кыргыз милләтләренең төбәк милли-мәдәни иҗтимагый оешмалары милли ризыклар белән бай өстәлләр, күргәзмәләр куйган иде.Бәйрәмдә спорт ярышлары һәм тематик концерт оештырылды. Бер сәхнәдә республика диаспораларының иҗади коллективлары һәм популяр башкаручылар җыелды. Сәхнәдән күпмилләтле Башкортстан Республикасында яшәүче халыкларның телләрендә җырлар яңгырады һәм бу бәйрәмдә беренче тапкыр Таҗикстанның профессиональ иҗат коллективлары катнашты.Хөрмәтле кунаклар арасында Русия Үзәк диния нәзарәтенең бүлек җитәкчесе, Баш мөфти ярдәмчесе Мөхәммәт хәзрәт, Башкортстан Башлыгы хакимиятенең Милли сәясәтне гамәлгә ашыру идарәсе начальнигы урынбасары Илшат Ханов, мәдәният министрының беренче урынбасары Наталья Лапшина, Башкортстан Республикасы Халыклары ассамблеясе рәисе Зөһрә Рәхмәтуллина һәм башкалар бар иде. Бәйрәм кунакларын Башкортстан Республикасы Башлыгы исеменнән Илшат Ханов котлады.- Хөрмәтле кунаклар, мөхтәрәм дуслар, ватандашлар! Миңа Башкортстан Республикасы Башлыгы Радий Фәрит улы Хәбиров исеменнән сезгә Нәүруз бәйрәме белән иң ихлас, җылы котлау сүзләрен җиткерү йөкләнде. Безнең республикада 100дән артык милләт вәкилләре яши. Сез беләсез, нинди генә чара булмасын, без бергә бәйрәм итәбез, башка күп кенә бәйрәмнәр дә безне берләштерә, безне игелеклерәк, яхшырак итә. 10, 50, 100 елдан соң безнең нәсел варисларыбыз да бергә җыелып, дөньяны яхшырак итәрләр дип өметләнәбез. Безне НАТО коткычылары аера алмаячагына ышанам. Алар моны эшли алмаячак. Бәйрәм белән сезне! - диде ул.Кунакларны шулай ук Башкортстан мәдәният министрының беренче урынбасары Наталья Лапшина сәламләде һәм Нәүрүз бәйрәменең мөһимлеген ассызыклады."Башкортстан Республикасы җитәкчелегенә, Мәдәният министрлыгына, Башкорт дәүләт филармониясенә рәхмәт белдерәбез! Үткән елда имзаланган килешү кысаларында безнең музыкантлар беренче тапкыр Башкортстан халык уен кораллары милли оркестры белән бергә чыгыш ясый", - дип тәэссоратлары белән уртаклашты Җураева Рәхимзадә исемендәге Таҗикстан дәүләт филармониясенең генеральный директоры Кароматулло Самандар.Бәйрәм узган мәйданда теләгән һәркем пылау һәм Азия халыкларының тәм-томнарының берсе - сумаляк белән сыйлана алды. Шулай ук интерактив мәйданчыклар эшләде, спорт ярышлары узды.Фото: Башинформ