Թուրքական իշխանությունները հաշվետվություն են ներկայացրել, որում գնահատվում են փետրվարի սկզբին տեղի ունեցած երկրաշարժերի վնասի մասշտաբները։ Փաստաթղթի համաձայն՝ երկրաշարժերի հետևանքով զոհվել է ավելի քան 48 հազար մարդ, Թուրքիայի տնտեսությանը հասցվել է 2 տրլն լիրայի (103,6 մլրդ դոլար) վնաս, հայտնում է Коммерсант-ը։
Զեկույցի համաձայն՝ վնասվել են ավելի քան կես միլիոն շենքեր, կապի և էներգետիկ ենթակառուցվածքներ, մեջբերում է Anadolu-ն նախագահի գրասենյակի հաղորդագրությունից: «Հաշվի առնելով ապահովագրական սեկտորի կորուստները, առևտրականների եկամուտների կորուստները և մակրոտնտեսական հետևանքները, երկրաշարժի հետևանքով տարերային աղետի ընդհանուր բեռը Թուրքիայի տնտեսության վրա գնահատվում է մոտ 2 տրլն լիրա (103,6 մլրդ դոլար)»,— ասված է զեկույցում:
Կանխատեսվում է, որ վնասը կկազմի 2023 թվականի ազգային եկամտի մոտավորապես 9% - ը:
- բնակելի հատվածի վնասը կազմում է 1 տրլն 73,9 մլրդ լիրա (56,9 մլրդ դոլար),
- հանրային ենթակառուցվածքներին և ծառայողական շենքերին հասցված վնաս՝ 242,5 մլրդ լիրա (12,9 մլրդ դոլար),
- մասնավոր հատվածի վնասը, բացառությամբ բնակարանների, 222,4 մլրդ լիրա է (11,8 մլրդ դոլար)։