Өфөнән Семен Елистратов баш ҡалабыҙҙа уҙғарылған шорт-трек буйынса Рәсәй чемпионатында алтын миҙал яуланы. Олимпия уйындары чемпионы 1500 метр арауыҡҡа ярыштарҙа иң яҡшы күрһәткескә өлгәште (2.11,786 секунд). Быға тиклем ул Рыбинск ҡалаһында ойошторолған шорт-трек буйынса Рәсәй кубогына финал ярыштарында шәп күрһәткескә өлгәшкәйне. Әйткәндәй, бындай чемпионат республикабыҙҙа икенсе тапҡыр үткәрелә. Ете йыл элек ил спортсыларын Стәрлетамаҡ ҡабул иткәйне. 1500 һәм 3000 метр арауыҡҡа ярыштарҙа ул – беренсе, 500 метр арауыҡҡа уҙыштарҙа — өсөнсө, 1000 метр арауыҡҡа ярыштарҙа икенсе урын яулағайны. Айһылыу НИЗАМОВА