II Евразия урологлар конгрессы ике меңнән артык катнашучыны - Русия төбәкләреннән, Европа, Бәйсез Дәүләтләр Берлеге, Кытай һәм Азиянең башка илләреннән танылган белгечләрне җыйды. "Мактанырлык нәрсәләр бар бездә. Башкортстанда Русиядә алдынгы урология фәнни мәктәпләренең берсе эшли. Идел буе федераль округында бердәнбер югары технологияле робот-ассистентлы хирургия үзәгендә - Башкорт дәүләт медицина университеты клиниклары базасында "Da Vinci" системасын кулланып катлаулы операцияләр уздырыла. Шул ук университетта күптән түгел Урология һәм клиник онкология институты да ачылды. Бу юлы конгресста катнашучылар өчен клиника мәйданчыгыннан күрсәтмә операцияләрне трансляцияләүне оештырдылар. Бу белгечләр операцияләр уздыруның техник алымнарын күрсен һәм тикшерсен, шулай ук оператив дәвалау методикасы турында тулы күзаллау алсын өчен эшләнде. Яңа формат Евразия урологлар җәмгыятенең киләсе конгрессларын үткәрүнең мөһим традициясенә әверелер дип көтәбез", - дип яза Максим Забелин. Фото: социаль челтәрләрдән