Թուրքիայի և Ադրբեջանի նախագահներ Ռեջեփ Թայիփ Էրդողանն ու Իլհամ Ալիևը Անկարայում կայացած հանդիպմանը քննարկել են Երևանի և Բաքվի միջև հարաբերությունների կարգավորումը:
Ինչպես հաղորդում են ադրբեջանական ԶԼՄ-ները, կողմերը քննարկել են Հայաստանի և Ադրբեջանի միջև հարաբերությունների կարգավորման գործընթացը և խաղաղ պայմանագրի շուրջ բանակցությունները:
Նշվում է, որ Ալիևն ու Էրդողանը քննարկել են նաև երկկողմ հարաբերությունները։ Թուրքական լրատվամիջոցների փոխանցմամբ՝ հանդիպումն անցել է մամուլի համար փակ ռեժիմով։
Ալիևը մարտի 15-ին ժամանել է Թուրքիա՝ մասնակցելու թյուրքական պետությունների կազմակերպության արտահերթ գագաթնաժողովին։