Այս պահին ՀՀ սահմաններին կուտակում արձանագրված չէ, բայց դա չի նշանակում, որ պետք է պակասեցնենք աչալրջությունը: Այս մասին ԱԺ-ում լրագրողների հարցերն պատասխանելի ասաց ՀՀ պաշտպանության նարարար Սուրեն Պապիկյանը:
Մինևնույն ժամանակ Արցախի շփման գծում կուտակումների մասին Պապիկյանը տեղեկություն չտվեց՝ ասելով, որ ՊԲ-ն պարբերաբար հրապարակումներ է անում տիրող իրավիճակի մասին, նաև ՌԴ խաղաղապահներն են դրա մասին ամեն օր հաղորդագրություն տարածում:
Նախարարի խոսքով՝ էսկալացիայի վտանգը երրբեք չի դադարել, իսկ գործընկերներին օգնության խնդրանքով կդիմեն անհրաժեշտությունից եելնելով:
«Անհրաժեշտության դեպքում դիմելու ենք նաև մեր գործընկերներին։ Մենք պատրաստ ենք ամեն գնով պաշտպանել մեր երկրի յուրաքանչյուր միլիմետրը: Այժմ եկեք չեղած բանի մասին չխոսենք»,- ասաց Պապիկյանը։ Նա նշեց, որ խաղաղության օրակարգից չեն շեղվում, բայց սա չի նշանակում, որ մեր երկրի սահմանները կամ տարածքային ամբողջականությունը սակարկելի են:
Հիշեցնենք, որ երեկ տեղի ունեցած մամուլի ասուլիսի ժամանակ ՀՀ վարչապետ Նիկոլ Փաշինյանը ասաց, որ ոչ միայն Արցախում, այլ նաև Հայաստանում նոր էսկալացիայի հավանականությունը շատ բարձր է: