Red Wings ավիաընկերությունը ուղիղ չվերթեր է իրականացնում Երևանից Ուֆա, հայտնում է ավիափոխադրողի մամուլի ծառայությունը։
Նրանք մանրամասնել են, որ Ուֆա-Երևան թռիչքները կսկսվեն մարտի 31-ից և կիրականացվեն ուրբաթ օրերին, Երևան-Ուֆա թռիչքները կսկսվեն ապրիլի 1-ից և կիրականացվեն շաբաթ օրերին։
«Թռիչքները կիրականացվեն ժամանակակից հարմարավետ SSJ100 ինքնաթիռներով՝ 100 նստատեղով»,- հայտնել են ավիաընկերությունից։
Տոմսերն արդեն վաճառվում են flyredwings.com պաշտոնական կայքում և ավիաընկերության բջջային հավելվածում, որը հասանելի է App Store-ում և Google Play-ում ներբեռնման համար: