Sariq iPhone 14 va 14 Plus smartfonlarining chiqarilishi munosabati bilan Apple kompaniyasi Hello Yellow (“Salom sariq”) deb nomlangan yangi reklama roligni chiqardi.
Syujet markazida bir yigit choʻntagidan yangi rangdagi iPhone 14 smartfonini chiqarganida, darhol yorqin va “sariq” multfilm olamiga tushib qoladi. Yigit shahar boʻylab sayr qilib, smartfonda boshqa odamlar va ertak qahramonlarini suratga oladi.
Bir soatdan kamroq vaqt ichida yangi reklama roligi Appleʼning YouTubeʼdagi kanalida 50 000 dan ortiq koʻrish va 5 500 ga yaqin “layk” toʻpladi.
Sariq iPhone 14 va 14 Plus uchun oldindan buyurtmalar 10-martdan boshlangan. Yangi mahsulotlarning savdosi 14-mart kuni boshlandi.
Yanada qiziqarli va foydali maqolalarni oʻtkazib yubormaslik uchun Telegram kanalimizga obuna boʻlib qoʻying.