Солтүстік Қазақстан облысындағы 98 білім беру мекемесіне арнайы мамандандырылған күзет қойылады. Бұл мақсатқа қазынадан 230 млн теңге қарастырылған, деп хабарлайды Qazaqstan Media тілшісі.
Облыс орталығындағы №4 орта мектебінде орын алған жаға ұстатарлық оқиғадан кейін білім беру мекемелерінде қауіпсіздік шаралары күшейтілмек. Атап өтсек, 98 оқу ошағына арнайы мамандандырылған күзет қойылады. Бұл үшін 230 млн теңге бөлінеді. Сонымен қатар, қосымша қаражатқа турникеттер орнатылады.
«Наурыз айының соңына дейін конкурстық шаралар өтеді. Осы мақсатқа қосымша 65 млн. теңге көлемінде қаржы бөлу қарастырылуда», – дейді облыстық білім басқармасының басшысы Нәзір Жәшібеков.