Ռեալիթի աստղ և ձեռնարկատեր Քլոե Քարդաշյանը խոստովանել է, որ 2013 թվականին բասկետբոլիստ Լամար Օդոմից բաժանվելուց հետո ամբողջությամբ նվիրվել իր կազմվածքին։ Այս մասին Քիմ Քարդաշյանի քույրը պատմել է InStyle պարբերականին տված հարցազրույցում, հայտնում է Лента-ն։
Քարդաշյանը հավելել է, որ իրեն ամբողջ կյանքում համեմատել են քույրերի հետ։ Մամուլում անարատ են արտահայտվել նրա արտաքինի մասին, ինչի արդյունքում նա սկսել է հավատալ չարախոսներին։ «Ես չէի մտածում, որ գեր եմ, քանի դեռ մամուլում չգրեցին, որ գեր եմ», — խոստովանել է 38-ամյա գործարարը:
Քարդաշյանը նշել է, որ մարզասրահ է եկել ոչ միայն նիհարելու, այլև Օդոմից բաժանվելուց հետո էմոցիաներից դուրս գալու համար։ «Ամուսնուցս բաժանվելուց հետո ես չգիտեի ինչ անել։ Եվ սպորտը օգնեց ինձ դուրս գալ հուզական փոսից»,-ասել է նա:
«Երբ փոքր էի, տարված էի կշեռքի թվերով։ Հիմա ինձ համար դրանք պարզապես թվեր են, Ես մի քանի տարի չեմ կշռվել, քանի որ իդեալական քաշ չկա»,-նշել է Քլոեն։
Քարդաշյանների ամբողջ ընտանիքը սպորտով է զբաղվում։ Սակայն Քլոեն խոստովանում է, որ չի սիրում վազել, այդ պատճառով էլ ընտրել է թիավարությունը նմանակող մարզասարք։ Նրա խոսքով՝ պարապմունքների ժամանակ այն օգտագործում է մկանների 86 տոկոսը։ Բացի այդ, ջրի շաղ տալու ձայնը, որը կարող եք միացնել ձեր համակարգչի վրա մարզման ընթացքում, հանգստացնում է:
Հիմա, տարիներ անց, Քարդաշյանին չի անհանգստացնում կշեռքի թիվը։ Նա ավելի շատ մտահոգված է ընդհանուր բարեկեցությամբ: Բացի այդ, մարզադահլիճում մարզվելը օգնում է հաղթահարել այն բացասականությունը, որը կուտակվում է անհաջող օրերի ընթացքում: «Եթե ես իսկապես վատ օր եմ ունենում, ես գնում եմ մարզասրահ։ Պատահում է, որ ես չեմ ուզում գնալ այնտեղ, բայց գնում եմ: Երբ ավարտում եմ մարզումը, ինձ շատ ավելի թեթև եմ զգում», — նշում է նա։