Ағымдағы жылдың басынан бастап облыста 50-ден астам адам мәжбүрлі түрде маскүнемдік пен нашақорлықтан емделуге жіберілді. Қоғамдық орындарда мас күйде жүрудің 1700-ден астам фактісі тіркелді, деп хабарлайды Qazaqstan Media тілшісі.
Бүгінде құрамында алкогольдік заттар бар өнімдерді заңсыз сату фактілерін анықтау бойынша жұмыстар жүргізілуде. Қалалық полиция басқармасының ЖПҚБ мәліметінше, биылдыққа заңсыз айналымнан құрамында 1500 литрден астам алкоголь бар сұйықтық тәркіленді. Бұдан бөлек, тәртіп сақшылары 17 адамды маскүнемдік пен нашақорлықтан емдеу үшін наркологиялық ұйымға жіберді.
«Жыл басынан бері СҚО-да қоғамдық орындарда мас күйде жүрудің 1735 және алкоголь өнімін заңсыз саудалаудың 68 фактісі анықталды. Облыс бойынша осы жылдың басынан бастап маскүнемдік пен нашақорлықтан мәжбүрлі емделуге 50-ден астам солтүстікқазақстандық жіберілді, – деді СҚО ПД ЖПҚБ бастығы Айдын Байматов.