Біздің елде халықтың қартаюы байқалады. Өткен жылдың басында 65, не одан жоғары жастағы нәзікжандылардың үлесі 10%-ға жетті. Ал 10 жылда ол небәрі 8,2%-ды құрады. Осы уақытта 65-тен асқан ерлердің үлесі 4,8-ден 6,1 пайызға дейін өсті, деп хабарлайды Qazaqstan Media тілшісі.
БҰҰ болжамына сүйенсек, елімізде қарттықтың демографиялық ауыртпалық коэффициенті ұлғаяды. Мысалы, былтыр бұл коэффициенттің мәні 12,9 %-ды құраған. 2025 жылға қарай арақатынас – 14,1, 2030 жылға қарай — 15,9, 2040 жылға қарай — 17,1, 2050 жылға қарай 19%-ға жетеді. Айта өтсек, халықтың жалпы санындағы егде жастағы жандардың үлесінің көбеюі әлемнің барлық дерлік елдерінде байқалады.