Иранға эш сәфәре һөҙөмтәләре буйынса Башҡортостан Хөкүмәте Премьер-министры Андрей Назаров социаль селтәрҙә пост яҙҙы. “Иранға сәфәр бик һөҙөмтәле булды. Идеялар менән генә түгел, хеҙмәттәшлек форматын һәм йөкмәткеһен аныҡ аңлап ҡайтабыҙ. Иран менән партнерлыҡ мөнәсәбәттәрен үҫтерә алырлыҡ йүнәлештәр бик күп. Уларҙың ҡайһы берҙәрен генә атап үтәм. - Нефть сәнәғәте. Беҙҙең өсөн дә, Иран өсөн дә ул - иҡтисадтың төп тармаҡтарының береһе. Башҡортостанда нефть машиналары эшләү үҫешкән, нефть-газ ҡорамалдары етештереүҙә 20-нән ашыу предприятие махсуслашҡан, улар Иран компаниялары менән тығыҙ эшләргә планлаштыра. - Авиация, автомобиль һәм махсус техника етештереү. Беҙҙең сәнәғәт флагмандары – Өфө моторҙар эшләү производство берекмәһе, “Автонормаль”, “Автокомплект”, “НефАЗ” һәм башҡалар – тығыҙ партнерлыҡ төҙөргә әҙер. - Урман сәнәғәте комплексы. Ағас эшкәртеү менән Башҡортостандың 800-гә яҡын предприятиеһы шөғөлләнә. Иранды ағас эшкәртеү сәнәғәте продукцияһының киң ассортименты менән тәьмин и