Һәр язның беренче көннәре республикабызның күп кенә педагоглары өчен дулкынландыргыч башлана. Быел да төрле фәннәрдән 211 укытучы башкалага һөнәри конкурста көч сынашырга җыелды. Бәйгене ачу тантанасы кичә, 13 мартта, Мәгарифне үстерү институтында узды.Шулай итеп, “Башкорт теле һәм әдәбияты ел укытучысы” 28нче төбәкара конкурсына старт бирелде. Анда безнең республикадан һәм илнең башка төбәкләреннән 61 педагог катнаша. “Башкортстанның ел укытучысы” 33нче республика конкурсы үз эченә “Башкортстанның ел укытучысы”, “Урыс теле һәм әдәбиятының ел укытучысы”, “Татар теле һәм әдәбиятының ел укытучысы” һәм “Елның яшь укытучысы” конкурсларын ала.“Башкортстанның ел укытучысы-2023” конкурс марафонына 69 конкурсант керә. Барысы да югары һөнәри белемгә ия. Аларның 39ы — авыл, 30ы шәһәр мәктәпләрендә эшли. Конкурсантларның күпчелеген хатын-кызлар тәшкил итә, аларның командасын иң яхшы 7 ир-егет укытучы тулыландыра.Иң зур команда – башлангыч сыйныф укытучылары, алар 23 кеше. Икенче урында гуманитар